الثلاثاء ٤ أكتوبر ٢٠٢٢

رئيس مجلس الادارة : أحمد أحمد نور

نائب رئيس مجلس الادارة : وليد كساب

رئيس التحرير : محمد عبد العظيم

عندما يكون .. الراجل .. ست ، الست .. راجل !!

%d8%a7%d9%84%d9%85%d8%a8%d9%87%d8%b1-%d9%81%d9%8a-%d8%a7%d9%84%d8%b2%d9%88%d8%a7%d8%ac-%d9%87%d8%a7%d9%84%d9%87-%d9%86%d8%b5%d8%b1

هاله نصر

عارفين ايه اللي مبهر بجد في الجواز ( بغض النظر عن قصة الحب والمشاعر الفياضه اللى مشاغل الحياه ممكن تاثر فيها(   ..

-المبهر بجد انك تدخل محل ملابس حريمي تلاقي راجل ماسك بيبي و بيلف ورا مراته او ماشى هو ومراته و مش مكشر ولا صوته جايب اخر المول .. لا مبتسم و بيقولها ادخلى قيسي يا حبيبتي مستنيكي

-المبهر في الجواز انها تلاقيك بتساعدها في البيت والله عادي هتفضل لسه راجل ( النبي دايماً كان في خدمة اهله (   ..

-تسمعلها وانت مركز لما تيجى تتكلم معاك او تفتح معاك حوار مش تلاقى منك عدم اهتمام وهى بتتكلم وانت فاتح تلفزيون ولا مشغول بحاجه تانيه وكأن اخبارها وكلامها مالوش اى اهميه عندك على عكس لما حضرتك تيجى تتكلم ولا تحكى معاها تلاقيها سابت كل حاجه ومركزه فى مشاكلك .

-تحترمها قدام اهلك .. بيفرق اوي مع الست ازاي بتعاملها قدام الناس مش قلة رجولة منك انك تقدرها قدام اهلك .. بالعكس دي قمة الرجولة ( النبي كان بيقول لا تؤذوني في عائشة  (   ..

– المبهر بجد ان فى اى خلاف بينكم تفتكر ان دى مراتك وحبيبتك وان مهما كانت زعلانه منك ومتعصبه ولا بتعاتبك بكلمه حلوه منك هتلاقيها رضيت فى ثواااااانى مش ياخدك دور الشيطان بقى وتكمل الخناقه كانك واقف مع واحد صاحبك ولا واحد فى الشارع بتتخانق معاه والقرف كله يطلع ..وبردوا هتتصالحوا بس مش هتنسالك ده وخصوصا لو كانت شايفاك مثال الراجل المحترم طيب ليه بدل ما تسيب ذكرى حلوه تسيب ذكرى سيئة عندها تخليها تفقد ثقتها فيك …

– جميل انك لما تزعلها وتحس انك غلطت فيها تفاجئها باى حاجه تفرحها لو ورده حتى بجنيه تنسيها اى ضيق فى قلبها من ناحيتك تحسسها بندم منك على اللى انت عملته وانه كان غصب عنك او لحظه شيطان عشان ما يبقاش قلبها مكسور من ناحيتك .

-تحافظ على اسرار مراتك مش كل حاجه فى حياتكم تلاقيها عند مامتك واهلك واصحابك وخصوصا وقت الخلاف ساعتها انت مش متخيل هتهد الثقه اللى بينكم ازاى .

-الفكرة مش انك عملت اللي متعملش و قررت تتجوز لا عادي حتى الحشرات بتتجوز .. الفكرة انت فعلاً تستاهل ان واحدة تسيب بيتها و اهلها اللي كرموها و احترموها و تدخل بيتك ولا لأ .

 

 

عن عيون المجلس

شاهد أيضاً

عائلة هندية : أصحاب البطاقة هم الوحيدون المسموح لهم بدخول القاعة

كتبت / ميرفت مصطفى تطورت حفلات الزفاف فى الهند على مر السنين، ومع ذلك، لا …

اترك تعليقاً

لن يتم نشر عنوان بريدك الإلكتروني.