رشا تطلب الخلع والسبب «حماتي اخدت تلاجتي يوم الفرح و قالتلي اديتك بدالها راجل»

[button color="red" size="small" link="http://" icon="" target="false"]محمد خالد[/button] طالبت الشابة العشرينية "رشا.ن" بدعوى خلع، بسبب استحالة العشرة مع زوجها "أحمد.م"، بعد زواج استمر أيام قليلة لا تتجاوز شهر ونصف، ظهرت خلاله مشكلات كبيرة لم يستطيعا تجاوزها. فقد ذكرت بنبرة صوت حزينة : «اتجوزت في بيت عيلة وزوجي كان ضعيف الشخصية جدا قدام أمه.. كنت فاكرة إنه هيعملي كرامة قدامها لكن محصلش.. اتفاجئت بعد الفرح بإن تلاجتي اختفت من الشقة ولما سألت قالي معلش ماما بدلتها ببتاعتها أصلنا هناكل عندها تحت». وتابعت: «صدمة نكدت عليّ أحلى ليلة في عمري.. وتاني يوم كلمت بابا وقولتله ولماجه يزورني اتكلم بهدوء إنها تردلي حاجاتي عشان أنا لسه عروسة.. ردت بقلة زوق قالت إنها اديتنا راجل وإحنا مستخسرين فيها تلاجة». وأضافت رشا: «من يوم ما دخلت مشوفتش يوم كويس.. مش عارفة أنام وأرتاح في بيتي وزوجي بتحركه بريموت كنترول.. مقدرتش أستحمل وقولتله عايزة أطلق ورفض.. فاضطريت أرفع خلع». واستكملت: «ازاي أعيش مع واحد مش عاملي كرامة.. الحمدلله إنها جت على قد كدا لا يمكن أرجعله تاني بعد ما رضا بتهزيء أمه لي ولأهلي في البيت المفروض يكون بيتي.. لما سرقت تلاجتي ليلة الدخلة بكره هتعمل فيّ ايه تاني!».