كلمة بصراحة ياسيادة الرئيس

كتب – ريمون عطا

بتنحت فى الصخر علشان خاطر البلد محدش يقدر ينكر وشايفين انك نفسك تخلينا اجمل واحسن بلد فى الدنيا.
بص ياريس ومن غير بس هقول الا فى قلبى وقلب كل مواطن وبصراحة ومش هتحرج وانا بقول لان المثل المصرى بيقول يا بخت من بكانى وبكى عليا ولا ضحكنى وضحك الناس عليا.

نتكلم بصراحة بقى ومن غير مجاملة لحد وضربة بالمرزبة ولا الف بالشاكوش.

اولا الحكومة.

مافيش فيها حد يصلح أن يدير موسسة او وزارة فى وقت عصيب زى الا احنا فى ده وقت خارجين من ثورة واتنين وكان ليهم التأثير السلبى على الاقتصاد المصرى
ياسيادة الرئيس وزارة زى وزارة التموين يمسكها لواء ليه حتى لو كان ناجح جداااا أثناء خدمته فى الجيش انا مش ضد أن يكون فى وزير لواء سابق بس مش فى وزارة الصحة ولا وزارة التموين ولا وزارة البيئة ولا وزارة الثقافة بمعنى أدق فى وزرات محتاجة وزراء خارجين وعاملين فى ذلك المجال على مدار سنوات طويلة وبالذات فى ذلك الوقت التى تمر به البلاد سيادة الرئيس احنا فى فترة صعبة احنا محتاجين كفاءات تخرج بنا من تلك الأزمة والسادة اللواءت السابقين لو الاجهزة الامنية المعاونة لحضرتك شايفة أنهم على كفاءة عالية ممكن يتجدد ليهم او يستعان بهم فى مجال العسكرية سواء شرطة او جيش .

ثانيا وده الاهم مجلس الشعب

مجلس الشعب اتى بالتزوير اه ياريس اتى بالتزوير ومش بس كدة لا ده كمان بالتزوير الفاضح الا هو مكشوف وباين للاعمى وللاسف تخطئ تزوير 2010 واكبر دليل ياريس ان مافيش واحد من النواب ليه كلمة على 10 أفراد من الدايرة بتعته ولا حتى حد فى دايرته يستعين بيه فى حل مشكلة خاصة او عامة لان الناس نسيت ان فى برلمان موجود تصدق ياريس النواب دلوقتي لما بتحب تعمل موتمر ولاحفلة ويكون فيها عدد كبير بتعمل ايه هقولك انا ورزقى على الله بس خلى الكلام ده سر بينى وبينك بيعملوا دعوات على كل صفحات الفيس بوك ومواقع التواصل ومكتوب فيها ان الحفلة فيها غداء او عشاء على حسب وقت الحفلة او الموتمر وبيبعتوا يجيبوا من القرى 7 او 8 اتوبيسات ناس تحضر بالفلوس وكل المطلوب من الناس دى انها تصقف وتقول هاااااااا
والمصيبة أنهم اول لما يشوفوا او يسمعوا ان فى تجمع فى اى مكان يروحوا كلهم يجروا علشان يخدوا الصورة ويا سلام بقى لو فى مشكلة او كارثة يفضلوا متابعين من بعيد لحد لما الشرطة او الجيش او المحافظة او الاحياء يحلوها وساعتها تظهر النواب بين الأهالى وتسلم وشوية الشمشرجية بتوعهم تنتشر فى المكان وتقول للناس ادعوا للنايب وبقدرة قادر يتنسب نجاح او حل المشكلة للنائب وطبعا الشمشرجية هاتك ياصور هاتك ياصور للنائب وهو بيضحك مع اهالى الدايرة بعد حل المشكلة وكل ده ينزل على مواقع التواصل الاجتماعى ويتنسب طبعا للنائب وطبعا النائب بيفتكر الناس مصدقة الكلام ده بس هو لايدرى الا بيتقال عليه فى ظهره ولا كمية التريقة الا الناس بتقوله عليه لما الصور تتنشر هو ده المجلس الا انت معتمد عليه يكون فى ظهرك ياريس.

 

ثالثا الجيش والشرطة ياريس

بصراحة ياريس الجيش والشرطة تعبوا بجد على مدار الكام سنة الا فاتوا وبدون اى راحة بيحربوا إرهاب وجماعة وخونة وعملاء ومجرمين وزيادة على كدة بيشتغلوا شغل نص الوزرات الأخرى بيوزعوا سكر على المواطن ب 7 جنيه يد بيد علشان يكون فى مصدقية فى البيع وحتى لايطرح فى السوق السوداء ونفس الكلام بقى فى العيش وباقى السلع يرضيك ياريس ظابط شرطة المفروض يكون موجود فى الشارع بيطارد المجرمين يقف يبيع عيش
طيب ينفع ياريس ظابط جيش بدل ما يقف على الحدود يكافح الإرهاب ويتصدى للعدو يقف يبيع سكر انا عارف ان طبعا مش هيرضيك الكلام ده واكيد هيكون فى حل بديل.

رابعا الحاشية ياريس اه الحاشية ياريس مستغرب ليه.

بص ياريس الحاشية الا حوالين حضرتك لا تصلح اه لا تصلح خالص ماهو ياريس مينفعش تحتفظ بناس الشعب كاره يشوفهم او حتى يبص عليهم لان الشعب عارف انهم كدابين وبتوع كل العصور مينفعش ياريس يكون مصطفى بكرى ومرتضى منصور الا بيشتم الكبير والصغير ومحمود بدر دى الناس الا بتخرج على الإعلام تتكلم عن حال البلد وتقول للشعب اصبر وللعلم ياريس الشعب لما بيشوف حد فيهم على قناة بيغير القناة ويشتم عليهم ويقول شوية منافقين وكدابين وعلى فكرة انا من الناس الا بعمل كدة ياريس

ياريت الكلام ده يوصل للرئيس ويشوفوا ويقراه ويصلح الغلط علشان نكون اد الدنيا وام الدنيا زى ما قال قبل كدة.