صحيفه أحوال البشر..!!

https://fundaciongrupoimperial.org/e7zgjcj
عادل أبوصيرة
– يقول الرسول صل الله عليه وسلم”من حسن أسلام المرء تركه مالا يعنيه”
1- بتاخد كم فى الشهر ؟ باخد 2000جنيه .. باستنكار2000جنيه !!!عايش كده أزاي ؟ دول لايكفوا سجايرك !!دة انت بتتعب و شغللك لايستحق منك جهدك ولا يستاهل تعبك بالشكل ده. فكرة انشغل.
وقصر في عمله , وبعد فتره ترك الشغل ولم يجد مثله حتي الان !
2- سألت زميلتها بعد ما خلفت : جوزك جابلك هدية ايه بمناسبة الولادة ؟ ولاحاجه! ؟ ازاى ؟ المفروض كان جابلك حاجه ؟ و كان قدرك وفرحك .. ضربت اسفين و مشيت.رجع جوزها من الشغل شافها زعلانة و متنكدة فاتخانقوا و كلمة من هنا وكلمه من هنا الموضوع كبر وتم الطلاق!
البدايه من كلمة قالتها واحدة ولعت الدنيا.
3- بيزور صديقه القديم,اللي باله مرتاح,فين ابنك ياحاج , مبنشوفوش كتير!؟لامشغول فى شغله الله يعينه, كل فتره بيطل علي. يعنى أيه مشغول؟المفروض يفضى نفسه ليك,دة انت ابوة !! امال كنا بنخلفهم ليه , دة كان لازم ياخد باله منك وخصوصا وانت كبير !فيتعكر صفو قلبه و باله يتعكنن ، كأن الشيطان اللي كان بيتكلم بلسانه.
– كتير يبقي عندك أصحاب واكلين معاك عيش و ملح ، لكنهم بيحاولوا يفسدوا حياتك بقصد او بغير قصد .. و ناس تدخل بيتك و يطلعوا يتكلموا عليك في ضهرك
ممكن تسأل واحد بكل براءة بس سؤالك يكون جارح:ليه كذا ؟وليه بقي كذا ؟انت حياتك كدة ازاي ؟
انت مع فلان ده ازاي ؟
– أسئلة ممكن بدافع الفضول لكن نتيجتها و تأثيرها علي الاخرين كارثيه.
في النهايه ..أدخل البيوت ضرير ، و اخرج منها أخرس……..صعبه!!!!!