عيون المجلس سياسية ،اقتصادية ،اجتماعية ،ليبرالية شاملة
كتب/ عبد الرحمن محفوظ
طرح الفنان محمد الشرنوبى منذ قليل، أحدث أعماله الغنائية بعنوان ملكة زمانك، عبر موقع الفيديوهات الشهير يوتيوب، بالرغم من الأزمات التي يواجهها في حذف أغانيه، بسبب أزمته مع الشركة التي تعاقد معها سابقا.
أغنية ملكة زمانك، من تأليف مصطفى ناصر وتوزيع إسلام الأزرق.
وجاءت كلمات الأغنية: الحال ده يعني يرضي مين، مش كان زمانا كويسين معقولة يعني في كلمتين يتهدوا سنين كان بينا بكرا أدي مجاش كان في سكك ومروحنهاش كان في حياة وما عيشنهاش سيبناها لمين طب دا أنتي معايا كان زمانك ملكة زمانك قلبي الغالي رخص عشانك ليه اختارتي نغيب دا أنا كنت هكون واحد بدالك واسهر ليالي يعني هيعيش الجاي لحالي، ملكيش فيه نصيب.
محمد الشرنوبي: أنا أكتر حد حاسس بأزمة شيرين عبد الوهاب
وسبق أن كشف محمد الشرنوبي، عن تفاصيل جديدة حول أزمته مع المنتجة سارة الطباخ، مشيرًا إلى أنه يمر بأزمة مشابهة للفنانة شيرين عبد الوهاب مع شركة روتانا في حذف الأغاني من موقع يوتيوب.
وذكر محمد الشرنوبي، عبر فيديو على حسابه الشخصي بموقع تبادل الصور والفيديوهات إنستجرام، قائلا: أولًا بخصوص موضوع شيرين أنا مش فارق لي أى حاجة غير إني سمعت صوتك، وأن إحنا كجمهورك مستمتعين بصوتك ويا رب المشكلة اللى بينك وبين روتانا تخلص في أسرع وقت عشان نعرف نسمع صوتك بشكل طبيعى، وتأخدي حقك.
وواصل محمد الشرنوبي: أكتر حد في الفترة دى حاسس بشيرين هو أنا، لأن بقالي 5 سنين في قضايا ومشاكل مع سارة الطباخ في الشركة اللى كنت ماضي معها، ومن سنتين وكام شهر بالظبط طلع حكم بالقضاء بانتهاء عقدي، وطلعت الشركة تقول لأ، وأنا طلعت أقول آه، لحد ما طلع 3 أحكام تأكدت أن العقد انتهى خلاص ومعنديش أي التزامات بأي شكل، وأكتر حاجة بتثبت أني بشتغل في التمثيل وماضي مع شركة من أهم شركات الوطن العربي وهي شركة مزيكا للمنتج محسن جابر، ودي شركة كبيرة وعندها شؤون قانونية وبتراجع ورق اللى بيشتغل معاهم، فالناس دي اتأكدت أن كل حاجة انتهت وإني معنديش التزامات، لأي شركة تانية ومضينا مع بعض وابتدينا نشتغل.
وعلى الجانب السينمائي، شارك محمد الشرنوبي، في بطولة فيلم أنا لحبيبي، بطولة الفنان كريم فهمي، والفنانة رنا رئيس، وتناول العمل في إطار رومانسي، حول حياة ليلى، التي تعيش قصة حب يقابلها رفض والدتها، فتمر قصتها بمراحل الفرحة والكسرة، ولكن تواجه ليلى الصعوبات من أجل استمرار هذه العلاقة.
