عيون المجلس سياسية ،اقتصادية ،اجتماعية ،ليبرالية شاملة
كتب: محمد عبدالعظيم
وجه الفنان تامر حسني رسالة دعم وتحفيز للمطرب حسام حبيب، مطالبًا إياه بالعودة إلى الساحة الفنية بعد غياب، وذلك عقب تهنئة حبيب لتامر ورامي صبري على أغنيتهما الجديدة «فعلا مبيتنسيش» التي طرحت مؤخرًا عبر منصة «يوتيوب».
كتب تامر حسني عبر حسابه الرسمي على «انستجرام»: “طول عمرك محترم وإنسان نضيف وفنان كبير، يلا ارجع زي الأول وأكتر، ارجع متعنا بأغانيك الراقية الجميلة والمزيكا الأجمل، لأن ليك جمهور كبير بيستنى.. يلا يا حس، صفحة جديدة مع مشوارك من النهاردة، أوعدني ترجع تاني”.
جاءت تلك الرسالة بعد أن نشر حسام حبيب كلمات تهنئة عبر «انستجرام» قائلاً: “أنا بكتب كلمتين من قلبي مش عارف هي مباركة ولا شكر ولا درس وبداية جديدة لجيل أنا فخور إني أكون منه. إخواتي وأصحابي، تامر أنت من زمان وأحلامك وأفكارك كانت دايما تخص جيلك ودائما كنت بتتكلم معانا من واحنا صغيرين باسم جيلنا مش باسم تامر”.
وأضاف حبيب: “أنت حلمت لجيلك، وعلشان كده أنا فعلا فهمت يعني إيه نجم الجيل، كنت زمان فاهم إن المقصود بيها إنك الأنجح وده حقيقي، لكن النهاردة فهمت معناها الحقيقي: أنت النجم اللي حلم لجيله مش لنفسه ودلوقتي حلمك بيتحقق يا صاحبي”.
كما توجه حبيب برسالة خاصة إلى رامي صبري قائلاً: “النجم الثاني أخويا صاحب أجمد صوت وإحساس، كان دايما بيقولي أنا بحلم وعندي هدف وهو كمان كان دائما مهتم إن إحنا كجيل لازم نشارك بعض ونقدم للناس حقيقة روح وفن الجيل ده”.
واختتم حسام حبيب رسالته قائلاً: “أنتم فرحتوني وأمتعتوني وخليتوني أفتخر إني من الجيل ده، اللي إن شاء الله عمر فنه وإبداعه ما هيخلص.. شكرا إنكم فتحتم نفسي ورجعتوني أحب المزيكا يمكن أكتر من الأول، يا جيل جامد وجامد قوي كمان، أنتم فعلا متتنسوش”.
تأتي هذه الرسائل في سياق دعم واضح بين نجوم جيل واحد في مجال الموسيقى، ما يعكس روح التكاتف والرغبة في تقديم فن راقٍ ومتميز يحمل هوية جيل بأكمله.
