عيون المجلس سياسية ،اقتصادية ،اجتماعية ،ليبرالية شاملة
نهي الششتاوى
.. انا طبيبة لسة متخرجة طازه .. وعند التكليف جاء حظي في وحدة صحية في قرية بعيدة جدا عن سكني ونفذت .. وقلت لنفسى . ولايهمك يا دوك .. هي دي بداية الخبرة وأول الطريق وبدأت الرحلة .. وفى أول أيام العمل .. جاءني رجل يحمل بين ذراعية طفلاً يبدو فى حالة سيئة من السخونية والحمى .. وكان واضحاً علي أهل الطفل قلة الحيلة والمال .. وأخذت سماعتي فورا وكشفت علي الطفل وشخصت المرض وكتبت الدواء ليصرفوه من الصيدلية الموجودة بالوحدة ولكن فوجئت بعد أن صرفوا الدواء بأن الاب بيده شنطة بها نفس الدواء وسألتة ماانت معاك أهو الدواء !! رد وقالي انا صارفة من الوحدة في القرية اللي جنبنا. إندهشت وغضبت وقولت للأب طيب لية طالما معاك الدواء تصرفه تاني ؟
رد عليا بسذاجة بالغة وبعفوية يادكتورة علشان يكون عندي إحتياطي لإي وقت ولإي حد. قولتلة بس ممكن ينتهي تاريخ الصلاحية له وانت مش عارف من الركنة. أو تعطية لحد ويكون المرض مختلف .ولم يفهم كلامي وإنصرف.
وجاءت الممرضة اللي معايا وقالت لي يا دكتورة إنتي غريبة في القرية إكتبي الدواء وأسكتي و كلي عيش.
يعني إية هو كارت إنذار يعني علشان أخاف من أهالي القرية وللاسف فإن هيئة التمريض والموظفين كلهم من القرية وأكيد هيقفوا مع أهاليهم وكمان بييجوا يطلبوا ادوية ليهم بدون وجه حق ليخزنوه ويقولوا يادكتورة هو انت بتجيبية من جيبك ؟! دة من الحكومة.ويا سلام لو المريض جه يكشف يوم أجازة وتكون الصيدلية مقفولة يزعل جدا وكانة جاي مش يكشف .. لأ ده جاي يأخد دواء وبس مش مهم خالص تشخيص حالتة قدر ما يهمه الدواء اللى حيصرفه .. نظرا لان نظام المتابعة الالكترونى-و هو إن كل مواطن يبقى ليه ملف بصورتة و بياناتة عندما يأخد دواء أو فحوصات تظهر في كل المنظمات الصحية و اللتى تمنع أخذ دواء أكثر من مرة أو قبل ما الشريط ما يخلص أو رد نفس المرض بسبب الاهمال – لية مش دواء إسعاف الطوارئ فقط اللى يبقى موجود و أى مرض أخر يكتب من الطبيب ليشترية المريض على حسابة الشخصى أو يذهب لأقرب مستشفى لتأكيد التشخيص و أخذ الدواء اللازم. إن إستغلال الحق ليس بحق .
أيوه إحنا حقنا الدولة تصرف على علاجنا بس مش من حقنا نسرقها ,مش من حقنا نخزن الدواء وإحنا مش محتاجينة لحد أما تنتهى تاريخ صلاحيتة وناس تانية محتاجاة و مش لقياه.
