عيون المجلس سياسية ،اقتصادية ،اجتماعية ،ليبرالية شاملة
انوار محمد
ذكرت الفنانة لقاء الخميسي، عن الفترة الأخيرة التي واجهتها بعد زواج محمد عبد المنصف من إيمان الزيدي، وتحدثت عن ما اثر عليها وعلى أسرتها، مثبتة شعورها بالصدمة من الطريقة التي أعلن بها الأمر.
وقالت لقاء خلال حديثها في برنامج Mirror: «إحنا كنا عائلة مستورة، قافلة على نفسها، محدش يعرف عننا شئ، والستر اتشال في لحظة بسبب جواز عشان يعلمنا درس كبير».
وذكرت لقاء ايضا: «انا لا كنت شايفة ولا سامعة ولا حاسة بأي حاجة غير أن أنا خدت قلم على وشي، الطرف الآخر فاكر أنه هيخرب بيتي، لكن أنا مش بخرب بيتي.. الكرامة مبتتكسرش لما بتحافظ على بيتك وعيالك ومستقبل عيالك».
وقد حسمت الفنانة لقاء الخميسى الجدل حول انفصالها عن اللاعب محمد عبدالمنصف، بعد أنباء زواجه من سيدة اخري ثم انفصاله عنها، التى انتشرت على السوشيال ميديا في الاونة الأخيرة، والتزمت «لقاء» في وقتها الصمت التام .
ونشرت عبر حسابها الرسمى «إنستجرام» فيديو مجمع بصورها مع زوجها عبدالمنصف، وأطفالهما، فى إشارة إلى أنها لم تنفصل عنه كما قيل ، ووجهت رسالة لكل سيدة تتابعها أن تحافظ على منزلها وعائلتها.
ودونت «لقاء» على الفيديو: «الدنيا بتختبرنا دايمًا وأبدًا، أيام بتسعدنا وأيام يتبعدنا وتزعلنا وتجرحنا.. وبنتوه مع نفسنا.. الحكمة بتظهر من قلب الحزن.. وبنقعد نفكر إيه الصح وإيه الغلط وهل اللى عدينا بيه شر ولا خير».
واسترسخت في كلامها : «مفيش حد ما بيغلطش، بس القوى الحقيقى بيعترف بالغلط وبيرجع لصوابه. ربنا فتحلنا باب المغفرة والسماح.. شكرًا من قلبى لكل إنسان دعمنى ووقف جنبى وطبطب عليا وشكرًا لكل أصدقائى المقربين اللى وقفوا جنبى وكل من دعمنى من أصدقاء السوشيال ميديا اللى نوروا حياتى بالمحبة وطبطب على قلبى ودعالى دعوة حلوة».
وأضافت ايضا : «آخر حاجة هاقولها، أسهل حاجة فى الدنيا هدم البيوت العمرانة وأقوى حاجة فى الدنيا إننا نحافظ على حياتنا ونحارب على بيوتنا وأولادنا بالحب والسلام.. كلنا بنغلط، وبنندم ونرجع لصوابنا.. ونرجع ببداية جديدة مليانة شغف وحب وسلام وراحة بالحب».
وفي النهاية نصحت السيدات: «لكل ست وربة منزل حافظى على بيتك وعائلتك بكل قواكى وأوعى تدى الفرصة لأى إنسان إنه يهدم بيت العيلة. بحبكم من كل قلبى أصدقائى وعيلتى الكبيرة».
