أول رد من كامل الوزير على مطالبات استقالته بعد حادث العياط

عرض كامل الوزير، وزير النقل، فى اجتماع لجنة النقل بمجلس النواب اليوم، أعمال التطوير التي شهدتها السكك الحديدية منذ توليه الوزارة، مشيرا إلى أن القروض الخارجية التي تحصلت عليها السكك الحديد بلغت 1.3 % من إجمالي الدين العام.

وأضاف الوزير خلال الجلسة المخصصة لمناقشة حادث قطاري العياط:«عربات تحيا مصر بتاعة الدرجة الثالثة جددناها رغم أنها مفروض تخرج من الخدمة لأن عمرها 50 و60 سنة، وحاليا متعاقدبن على 7 عربات نوم فوق الفاخرة، وأنا مهتم بالفاخر عشان يجيب فلوس تنفق على الباقي».

وأضاف: «هنفضل نشتغل ونطور طول ما أحنا عايشين سواء كنت داخل أو خارج الوزارة، ولو أنا خرجت بكره وسألوني عن المخططات اللي اتعملت هاساعد طبعا، في ناس بيقولوا أنه مش هيمشي، كلنا هيجيلنا وقت ونطلع محدش هيخلل ولو طلبوا مني حاجة هاعملها لأن الإنسان الوطني مش هيتخلى عن بلده».