جنيه كل جمعه… فكرة بسيطة ممكن تحقق أحلام ناس كتير فقيره

في ظل الظروف الصعبة التي يمر بها الفقراء جائت لي فكرة عظيمة، وقولت أطرحها عليكم وانا متأكد أنها هتعجب الجميع، لكن مش متأكد إن الجميع هينفذها

انا بناشد كل أهل الخير والثواب وكل مشايخ وأئمة المساجد فكرة ممتازة وهتساعد ناس كتير والله الفكره حلوه وعجبتنى ….. ياريت كل إمام مسجد او اي شخص فاعل خير يسعى على تعميمها فى كل بلد أو قريه او منطقه فى اى فكرة (( جنيه كل جمعة )) .. الفكرة بتقوم على إن كل واحد فى البلد وهو رايح يصلى الجمعة ياخد جنيه معاه و يحطه فى صندوق اسمه ( جنيه كل جمعة ) ،، جنيه واحد بس .. مش كل يوم .. دا جنيه كل جمعة .. لو قلنا إن عدد اللى بيصلوا الجمعة حوالى 5000 متوزعين على كل مساجد البلد، هيكون معانا فى الأسبوع 5000 جنيه .. نضربهم بقا فى 4 أسابيع فى الشهر = 20 ألف جنيه .. 20 ألف … دا ف شهر واحد بس .. 20 ألف من غير ما تحس إنك دفعت حاجة .. دا غير إن فيه ناس ممكن تدفع أكتر من كده .. مش ممكن بال 20 الف دول كل شهر نجهز عروسة ؟؟ مش ممكن بيهم نساعد مجموعة من الأسر الفقيرة ؟؟ مش ممكن نساعد يتامى ؟؟ مش ممكن نساعد بيهم مريض فى علاجه ؟ الجنيه مش هيفرق مع اللى هيدفعه .. بس هيفرق مع ناس تانية محتاجة مساعدة .. فكرة بسيطة .. ممكن تحقق أحلام ناس كتير فقيره ياريت الي تعجبه الفكره يكتب رايه.