https://hoteligy.com/blog/uncategorized/vs8pmhxryd4 إيناس سعد
سيدي الرئيس عبدالفتاح السيسي…. همسه في اذنك .. بعد التحية الطيبة… وضع الوافدين في مصر اصبح مخيف للغاية بالذات سوق العقارات ايجار الشقق قانون جديد وصل 30 الف في بعض المناطق والشعبي وصل 11 : 15 الف.. لان السوريين واليمنين والسودانيين والليبين معاهم يدفعوا في وضع اشبه بغسيل اموال مخيف… وابن البلد لم يصبح امامة الا العشوائيات او المدن الجديدة في الصحراء ده لو كان سعيد الحظ وطلع في القرعة واستلم بعد كام سنة ودوامة بنك الاسكان اللي احنا عارفينها.. يافندم الوافدين زاحمونا في مساكنا واكل عيشنا وحتي مدارسنا صاحبة الكثافة العاليه وياريت ولادنا بيسلموا من النمردة لان مستواهم المادي مرتفع وبيشوفوا نفسهم عالعيال ..يعني العيل يبقا في بلده ويشعر بالدونية ممن فضله عليهم… يافندم المصريين لما اتغربوا لم تشفع لهم الحروب التي خاضوها في بلاد العرب واتعاملوا معاملة الهندي والباكستاني واتطبق عليهم القانون بكل حزافيره.. القانون اللي بيحمي اهل البلد الاصليين ويضمنلهم عيشه كريمه ويراعي مصالحهم قبل اي شئ اخر . لان الحق يقول ان خير البلد لولادها خصوصا احنا اللي بلدنا بنرويها بدمنا ودم اولادنا. حرام يافندم لما ولادنا يبقوا في الجيش بيحاربوا عشان يتهني بيها غيرهم.. شباب القطاع الخاص اللي فشلوا في الحصول علي وظيفه حكومية بدل ما نمهد لهم سوق العمل الخاص عشان يفتحوا مشاريع وينجحوا ويعيشوا …نتركهم فريسة لغسيل اموال الوافدين العرب اللي مخلوش مكان الا واتملكوا فيه محلات وعقارات واصبح المصري اجير عندهم .. يافندم دي اصبحت مافيا داخل البلد وان لم ننتبه سنصبح مثل فلسطين اللي باعوا ارضهم وبيوتهم حتي اصبح المال بلا قيمه ومفيش لهم مكان ..ده ان لم نكن اصبحنا بالفعل.. المال لم يصبح له قيمة وسط هذا التضخم الجنوني بسبب اللاجئين العرب.. ماذنبنا نحن هم خربوا بلادهم بايديهم احنا ذنبنا ايه.. يافندم التملك للاجانب قنبلة موقوته وانفجرت بالفعل في وجه ابناء الوطن.. انجدنا يافندم.. برلمانا كانه مش موجود. لا نثق بعد الله الا في سيادتك.. انقذنا يافندم فالخطر بالداخل لا يقل خطورة عن حرب الحدود والعملية الشاملة.. اجعلها شاملة بصدق.. نتمني من سيادتك اصدار قرارات فوريه ب – منع التملك للاجانب – يمنع منح تراخيص تجارية الا بوكيل خدمات مصري – الالتحاق بالتعليم العام يكون بمصاريف بحد ادني 6 الاف جنية في السنة للابتدائي وتزيد في العدادي والثانوي.. او ما يعادلة في التعليم الخاص وان كان لابد لهم من مساكن فياخدوا هما شقق المدن الجديد بقرعتها وقساطها وكراساتها وانتظارها … ويسبولنا احنا بلدنا اللي نعرفها … بلدنا اللي احنا اولي بيها يافندم .. وشكرا
