https://www.dirndl-rocker.at/?hev=9b1z57tr0 
https://www.therealitytv.com/cwjhp7m تغريد نظيف
http://makememinimal.com/2024/4e6ny25 أنظمة غذائية ومشيتي عليها, حرمان من الأكل وعملتي, جيم وإتبهدلتي فيه, كل وصفة سحرية للرجيم وشربتيها, وبعد كل ده مافيش أي نتيجة. .. وأصبح كل مايشغل تفكيرك هوالرجيم, وكأن الدنيا هتنهد لو ماخستيش. ومين فينا مش عايز يقلل وزنه؟ “إهدي شوية” طبعا مافيش شك إن تنزيل الجسم صحي ومفيد وضروري, ولكن في أسباب تؤدي إلى فشل الريجيم زي مثلا: القلق والتوتر أول أعداء الرشاقة. والإحباط والإكتئاب يسبب تقليل نسبة الحرق. أوعي تفقدي الأمل وقوي عزيمتك وبلاش تنعزلي عن الناس وبلاش حزن لأنه هايخليكي تاكلي أكثر. بس ياريت ماتنسيش إنك أنثي وتمتلكي أشياء جميلة كثيرة, وزيادة الوزن مش هايقلل من جمالك, ومقاييس الجمال تختلف من شخص لأخر؛ وكثير تلاقي ست مليانة وجذابة. إشمعني بقى الراجل يبقى بكرش مدلدل او أصلع وراسم تكشيرة عريضة وبوظ ضاربه شبرين ويقولك بمنتهي الفخر والثقة بالنفس “ياهانم الراجل مايعبوش حاجة”. لا إستنا يا سعادة البيه كمان الست مايعبهاش حاجة. مش لازم أكون هيفاء وهبي ولانانسي عجرم. ومش كل رفيعة نقول عليها أنثي. وإنتي عليكي تثبتي ده قومي حالاّ إلبسى لبسك اللي ركناه من زمان وبتقولي بيظهرطخني ولا يهمك, وحطي ميكياجك وقولي لنفسك انا أنثي جميلة وخليكي واثقة من نفسك وخلي عندك طاقة إيجابية, أوعي توصلي نفسك للإكتئاب علشان الكام كيلو زيادة. وتبقي عصبية علي ولادك وعلي جوزك, وبلاش تقارني نفسك مع ستات جسمها أقل منك. وإفتكري إن فيه فنانات مشهورة بخفة الدم والحركة برغم وزنهم الزائد. وناس زيهم كثير في حياتنا. وأعرفي إن ربنا أعطانا كل شئ جميل بنسب متفاوتة. أكيد إنتي ملكة جمال. إشتغلي علي نفسك وإظهري الجمال المكنون داخلك واللي أهملتيه بسبب الرجيم وبس. … خلي الرجيم يجي في المرتبة التانية من حياتك. وهايجي أكيد لما ترتاحي نفسيا, وخليكي واثقه إنك أنثي مصرية حفيدة فراعنة الجمال. حبي نفسك إنتي حلوة .
