عيون المجلس سياسية ،اقتصادية ،اجتماعية ،ليبرالية شاملة
Hamada Hassan
أربعون شيئا خارقا يستطيع فعلها الرجال فقط… طبعا سيبكم من رقم ٢٠ 
١- بنفتح برطمان المايونيز
٢- بنقفل باب العربية من غير مانرزعه
٣- بنفتح برطمان المربى
٤- مالتي تاسك ، بنعرف نقعد في القهوة ونشيش ونلعب طاولة في نفس الوقت
٥- بنفتح برطمان الطحينه
٦- نقف في الطريق نعمل بيبي ع جنب
٧- نفضل ساكتين لمدة تصل لثلاث ايام متواصل
٨- بنفتح برطمان المخلل
٩- نقدر مانعيطش لمده ٤٥ سنة متواصلة
١٠- بنفتح ازازة الكاتشاب
١١- بنغير هدومنا كلها في العربية
١٢-بنعرف يبقي عندنا بدله واحده نروح بيها كل الأفراح و الخطوات و السبوع و العزا و الجروومز و الحفلات و السهرات و الطهور
١٣- بندخل الحمام في الكافيه لوحدنا
١٤- بنفتح برطمان العسل
١٥- بنغسل شعرنا في كل مرة نستحمى فيها
١٦- بنعيش بشعر ابيض بداية من سن ٢٨
١٧- بنعيش صلع عادي
١٨- بنركن العربيه بظهرنا
١٩- بنتجوز وقت ما نحب
٢٠- عندنا فرصة نكون رئيس الجمهورية
٢١- نشتغل في كول سنتر نايت شيفت من ١١ بالليل لتمانية الصبح يوميا عادي
٢٢- بندخل الجيش عادي
٢٣- بنفتح برطمان الصلصة
٢٤- بنغير كاوتش العربية
٢٥- بنعرف الحقيقة الكاملة من الميكانيكي
٢٦- بنسلق بيض أو نقليه اي وقت
٢٧- بنقول كل اللي عاوزينه في مكالمة مدتها ١٥ ثانية
٢٨- بنروح الشغل يومين ورا بعض بنفس اللبس
٢٩- فاهمين يعني ايه اوفسايد
٣٠- بنشتغل طيارين ديليفيري
٣١- بنفتح برطمان المسطردة
٣٢- عارفين كل الاوبشنز في العربيات الهاي لاين
٣٣- بنخش الحمام في أي اوتيل من غير ما ناخد سليفي
٣٤- بنفتح برطمان الزيتون
٣٥- بنسال اي ست نشوفها عينيها فيها حزن ليه
٣٦- بنلبس فى ٥ دقائق عادى جدا
٣٧- بنقص ضوافرنا بنفسنا بالقصافة
٣٨- بنطلب الاهتمام عادي
٣٩- بنغسل شعرنا بأي صابون او شامبو او اي قزازة تطولها ايدينا في الحمام
٤٠-بنفتح اي برطمان عموما
