عيون المجلس سياسية ،اقتصادية ،اجتماعية ،ليبرالية شاملة
كتب/ عبدالخالق ابراهيم
قال فخامة الرئيس عبدالفتاح السيسي أنه كان يتمنى من الشئون المعنوية بالقوات المسلحة أن تستشهد بمواقف لأبنائنا الشهداء, وأضاف فخامته خلال كلمته بمناسبة الاحتفال بالذكرى 49 على حرب أكتوبر، اليوم: “اللي إحنا فيه دا هينتهي وهيخلص، اللي يهمني هنا.. وأنا بقول الكلام دا هنا ليه.. إحنا دفعنا ثمن كبير أوي مش أنا ولا الحكومة، كلنا في الدولة، ومفتكرش إن إحنا هيبقى مناسب أبدا إن حد فينا يقول طب أنا ذنبي إيه؟، لا دي بلدنا ولازم نخلي بالنا أوي”.
وأضاف: “أول مؤتمر عمله الرئيس محمد حسني مبارك، رحمه الله، كان اقتصاديا عام 1982، يعني بعد ما اطمن ومفضلش غير مشكلة طابا فقط على ما أتذكر يعني، كان رفع العلم في أبريل وكدا كدا الأرض كلها رجعت ونخش نشوف مشاكل مصر من 1967 حتى 1982 تقريبا 15 سنة في الأزمة، وبدأت الأزمة بالفعل من 67 مش يونيو توقفت الدولة تماما ومعملتيش حاجة”, وتابع فخامته: “كان ممكن نعمل دا ونقول لسه الحرب على الإرهاب منتهتش ومش هنعمل حاجة، ونحشد والإعلام يتكلم في القضية دي ونجيب أحداث كل يوم.. وأنا طول ما أنا ماشي في الوقت اللي أنا كنت فيه دا (وقت اندلاع الثورة) كنت أول ما بسمع البيان بتاع القوات المسلحة كنت أقف عشان أسمع اللي هيقولوه، وكانت الدولة كلها عايشة كدا، وكل قرش بقى اقتصاد حرب لصالح الكرامة والكبرياء ولصالح النصر اللي إحنا بنحتفل بيه وسعداء بيه دلوقتي”.
واختتم فخامة الرئيس: “كان ممكن أوي نعمل كدا وكان مبرر، بس إحنا قولنا إن اللي بيعمله الإرهاب دا كان هدفه إن البلد تعجز أكتر وتفقر وتتخلف أكتر، وإحنا مش هنمكنه من دا وهنبني على قد ما ربنا يقدرنا.. بقول الكلام دا دلوقتي ليكم هنا في يوم جميل زي دا بنجاح سواء كان في أكتوبر وأنتو متابعين كويس وشايفين إن مفيش صوت ولا بيانات بتتقال الحمد لله رب العالمين، وبنحقق في معركتنا نجاحات طيبة جدا ومش عايز أتكلم في النقطة دي لأسباب أخرى”.
