http://makememinimal.com/2024/u2knas85v إسراء محمد
Buy Zolpidem Tartrate Online Uk ..في زمن ريا وسكينه والمنديل بؤيه والملايه اللف كان فيه خزعبلات مشهورة والناس مصدقاها جدا زي الكف والفنجان والعروسه وغيرها . وماكنش في ناس كتير بتحس أن دي تخاريف لأن ده كان العادي وقتها. دلوقتي في عصر الانترنت والجينز والفيس والستالايت كل حاجه أتمدينت حتى الخزعبلات بقت جديده وعلى الموضه واتباعها حاجه كوول وبرضه بنعملها لأن ده (العادي). في كل زمن بنلاقي ما يطلق عليه العادي. والسؤال هنا مين اللي حط العادي ده ؟ وليه الناس بتنجر له ؟
قرب كل رأس سنه بنلاقي كل وسائل الإعلام المختلفه تبدأ تعرض كل ما يخص بما يسمى الأبراج .وعلشان يحسسوك ان الموضوع بجد يجب أن ترفق كلمه (علم) قبل كلمه الأبراج،عامل نفسي يعني. أصل هابي نيو يير بقى والناس عايزة تعرف ايه اللي هيحصل في السنه الجديده وحظها ايه وهتنجح ولا لا وهترتبط امتى وايه اخبار الصحه والعمل والعائله.البحث عن المجهول رغبة متأصلة في الإنسان بس والله (كذب المنجمون ولو صدفوا). اللطيف ان دايما الردود واحده وبتتكرر كل سنه، ولازم تتحلى بالمنطق علشان ماحدش يشك، والألطف اننا بنفضل نصدق. يقولك في شهر كذا وكذا هتتعب شويه بس هاترتاح بعدين . الصحه كويسه، هيبقى في تقلبات شويه بين كل فترة وفترة وغيرها من الكلام البتنجاني.
الفكرة اننا لو حطينا المجهود والتركيز ده في هدفنا والله هنوصل. الفكرة ان احنا نبقى صادقين مع نفسنا ونفكر مرة واحده بس بعقلنا. ايه علاقه المريخ بصحتي؟ وعلاقه بلوتو والشمس بنجاحي؟ اعتقادنا بالأمور دي تخاريف زي أيام ريا وسكينه بالظبط. اعتقادنا بالحاجات دي هيخسرنا علاقتنا بربنا وعن إيماننا بأنه الوحيد المتحكم في حياتنا وان أمره بين الكاف والنون يقل للشئ كن فيكون.
في حاجات كتير زي الأبراج بنعملها مش بنركز فيها وده طبيعي، بس لازم ناخد بالنا من الحاجات اللي تبان صغيرة وهي كبيرة. مش غلط اننا نغلط بس الغلط اننا منصححش الغلط ونحاول نعرف ونعمل الصح .الغلط اننا منشغلش عقلنا ونعمل العادي اللي بيتعمل ونقول اصل كل الناس بتعمل كده . ربنا بيحاسب كل واحد لوحده. مش معنى ان في شئ اجتمع عليه الناس يكون كفيل وكافي عشان يشفع انه صح وكل واحد كده مش هيتحاسب. انت مالك ومال الناس؟ لما ربنا يسألك عملت كده ليه ساعتها الناس اللي عملت زيها دي هتتبرأ منك وتقول ملناش دعوة. مش هنشيل وزرك انت ليك عقل مافكرتش بيه ليه. يعني الناس اللي عملت (العادي) زيها ،أول ناس هتتخلى عنك وقت الجد.
بلاش تغرق في بحر (العادي) لأن عقلك هو بر الأمان. اسأل واقرأ وحاول وناقش وفكر وحلل قبل ما يفوت الأوان.
https://tvmovievaults.com/5h7gkcc
