مدحت العدل عن الأفكار الجريئة: لازم يبقى عندنا انفتاح أكتر في تناول الموضوعات

كتبت: إيمان النجار

أوضح السيناريست مدحت العدل رفضه منع أغاني المهرجانات بشكل نهائي، بجانب ذلك حديثه عن رأيه في الأغاني التي تتقدم في الصناعة.

وصرح العدل خلال حوار له اليوم: "تمنع ليه أغاني المهرجانات.. أنا أمنع أغاني مبتذلة جوا أغاني المهرجانات.. أمنع كلمات".

وأضاف العدل: "لكن أمنع ليه نوع مزيكا.. كل أنواع المزيكا بتتغنى في العالم.. محدش بيمنع نوع مزيكا، لكن أنا أمنع كلمات مبتذلة.. وأنا ضد المنع عموما مع حرية الاختيار وحرية المتلقي".

وعن الجرئة في عرض بعض المشاهد قال العدل: "على حسب طرح الموضوع بيكون إزاي.. الأفكار الجريئة طول عمرها موجودة ومش عيب ولا غلط.. أنا أقدر أقدم أصعب موضوع ومجرحش حد، ولو عايز أناقش المثلية والإلحاد بفن دون ما أشعر أني بضرب المشاهد بسكين.. وكل منصة إلكترونية ليها تجاه.. ولازم يبقى عندنا انفتاح أكتر في تناول الموضوعات".