ملتقي التوظيف بين الواقع والخيال !!

متابعة عصام عزيز

مؤتمرات لتشغيل الشباب وعشرات الالف من الشركات هل هي حقيقة ام وهم !!  ومن المسئول عن متابعة الشركات ؟؟ ..دعونى أحكى لكم ..اخذت نجلي حاصل علي البكالوريوس واخذ كل اوراقه وذهبت معه وحملت له زجاجه المياه علشان اسم الله عليه لو عطش !!اشربه ومعه سندوتشاته علشان لو جاع يأكل برضه .
الضنا غالي ياجماعه وجلسنا 4 ساعات لحين حضور معالي المحافظ في نادي بلديه المحله..وحضر سيادته وقام نجلي في وسط الاف الشباب والحمد لله قام بعد معاناه شديده بملئ .. عدد 15 استماره وظيفه لشركات مختلفه وتمت ..
المهمه بنجاح منقطع النظير……..لسه انتوا رايحين فين…وحتي الان ياساده يا افاضل……استاذنكم شويه علشان اصحي اسم الله عليه من النوم ما هو يا عين قلب امه لسه نايم من تعب طول الليل في الفراغ الجميل لشباب اليومين دول…
…خلاص صحيتوا من النوم واكملكم اللي حصل ..بعد ماكتب اسم الله عليه العديد من استمارات تشغيل الشباب …خلصنا وروحنا وقعدنا كل يوم ننتظر وننتظر وننتظر….والاخر طلع الموضوع كله ……هههههههه فنكوش…ياولدي..هههههههه ..
وكل واحد يقول الشغل كتير ارجوا ان يدلني عليه وله مني الشكر الجزيل….ياساده هذا هو حال اولادنا الحقيقي …
القاكم علي خير في مؤتمرات محافظه الغربيه لتشغيل الشباب القادمه ان شاء الله.