عيون المجلس سياسية ،اقتصادية ،اجتماعية ،ليبرالية شاملة
الأمل والشغف كلاهما ينطويان بداخله ،يسطع كنجم براق؛ الجميل كريم عميره, فنان بدأ حلمه من الطفولة وتألق في العديد من الأدوار بدأ في التمثيل المسرحي إلي أن وصل للبرامج التلفزيونية الشهيره.
اعتدنا منه على الأدوار الكوميديا والدراما المؤثرة، ترعرع على حب التمثيل، وشارك في العديد من الأعمال المسرحيه المتنوعة حتى أصبح له رصيد ملئ بالأعمال الدرامية والكوميديه والرعب ، الفنان “كريم عميره” فنان موهوب، وصاحب كاريزما عالية، وعلى المستوى الشخصي إنسان متواضع ومحب للحياة الاجتماعية نجم شاب صاحب موهبة فنية قوية، وكان لنا حوار خاص مع الموهوب المتميز الفنان كريم عميره.
في البداية أحب أن أرحب بك كثيراً في جريدة “عيون المجلس”
نبدا بسؤالنا المعتاد
فى بداية حوارنا عرفنا بـ كريم عميره ؟
أنا كريم عميره من مواليد بلقاس محافظه الدقهليه عندي 18سنه بحب التمثيل جدا ودا حلمي ونفسي اكون نمبر وان جيلي فى التمثيل وديماً عندي احساس اني مش حابب أكون مجرد ممثل عادي فـ طول الوقت عندي طموح ونفسي احقق نجاح كل ثانية سواء على مستوى شغلي أو على مستوى دراستي أو في الحياة نفسي افتح اكتر من مشروع فـ طول الوقت عندي طموح إني نفسي انجح نجاح مش عادي في وقت قصير وسن صغير ودايماً بصلي واقول يارب وأنا واثق فى ربنا وموهبتي واني هحقق كل دة قريب جداً ونفسي برضو اكون مصدر طاقة إيجابية لكل الناس والشباب ف انا عندي احلام كتير جداً والأهم من كل دة اني احققها وان شاء الله هوصل لكل احلامي ف سن صغير.
كلّ منا في مرحلة الطفولة له حلم خاص، ماذا كان حلم كريم عميره؟
حلم الطفولة بالنسبة لي كنت بدور في كل حاجه لحد مالقيت نفسي في التمثيل.
البداية كانت في مسرح تجاري حدثنا عن تجربتك المسرحية على خشبة المسرح ؟
أول مادخلت المسرح، اشتركت في مسرحية مشرحه زينهم ، لأن كان عندي حلم وكانت بدايه كويسه وحسيت أن هي دي البداية اللي ممكن ابتدي بيها.
عرفنا عن فن التمثيل المسرحي الذي بدأت به مشوارك الفني؟
استفدت من هذا الفن جدا واتعملت حجات كتير اوي تنفعني فيما هو قادم والمسرح وسيله للي عاوز يوصل لسينما دا غير أن بتتعلم كتير اوي اوي من المسرح والمسرح ابو الفنون، في بدايتي كان في عرض اسمو” مشرحة زينهم ” أول ماعرفت إنهم محتاجين شباب روحت وشاركت في العرض وعملنا نجاح كبير وكان عرض كويس جدا ومن هنا بدأ مشواري الفني.
ما هي الأعمال المسرحيه الاكثر اهميه بنسبال كريم عميره؟
مسرحيه شمس المعارف ومسرحيه مشرحة زينهم عرضين رغب ومن اكتر الأعمال الأقرب لي.
من اكتر حد بيشجعك على التمثيل وهل عائلتك بها فنانين غيرك ؟
عائلتي بيها المخرج شكري عميره و المخرج وجدي عميره، و انا بصراحه اللي بشجع نفسي وبقول لنفسي قوم وقاوم هتعدي وهتوصل لحلمك متخليش حاجه توقفك عن مشوارك كمل الطريق بكرا تبقا فنان كبير ومحدش قدك كل دا انا اللي بقولو لنفسي محدش بيقولهالي ول حد بيشجعني.
مين من نجوم الفن بتعتبرة قدوة ليك ؟
مع إحترامي لكل نجوم مصر والعالم كله بس “أنا قدوتي أنا” بعد ١٠ سنين أو قدام شوية ودايماً نفسي أعمل مدرسة تمثيل لوحدي مش اقلد حد ويكون ليا اسلوبي الخاص ف التمثيل مش زي حد.. وغير كل ده نفسي أوصل للعالمية و إنشاء الله أحققه فى المستقبل ، فـقدوتي في التمثيل والفن هو كريم عميره في المستقبل.
أين يجد كريم عميرة نفسه في الاعمال المسرحيه، هل الدراميه، أو الكوميديه، أو الرعب؟
أنا بعشق الرعب جدا وبلاقي نفسي فيه جدا ومن العروض الناجحه والجديده و في نفس الوقت بحب جدا الدراما .
أي عمل مسرحي أقرب إلى قلبك مما قدمت؟
بجد دور الدكتور رافت في مسرحيه “شمس المعارف” ودور منصور في مسرحية “مشرحة زينهم” لأنهم عكس شخصيتي تماما .
أي شخصية تاريخية أو فنية يتمنى كريم أن يجسدها؟
شخصية “صلاح الدين الأيوبي” لأنها مليئه بالتفاصيل، وأتمنى تجسيد أي شخصية تاريخية لأن الأدوار التاريخية ممتعة.
ما هي الادوار التي تحب أن تقدمها ؟
والله نفسي اعمل كل شخصية فى الشارع المصري وكل شخصية بعيدة عني وعن شكلي تماماً.. فـ نفسي اقدم ادوار كتير بس اكتر حاجة نفسي أعمل شخصيه او مشكله اجتماعية بتحصل ف الواقع ونفسي اعمل أكتر من شخصية وكل شويه ببقا عاوز اقدم شخصيه مختلفة واقدمها بإسلوبي انا.
م هما البرامج التلفزيونيه التي تمت استضافتك بها؟
برنامج خطوات شابه
وبرنامج شباب علي الهوا
وبرنامج ابتدا الحلم
وبرنامج اسكندريه من تاني
ما هو طموح كريم عميره؟
عايز أعمل فيلم سينمائي مصري بطولتي وياخد جوايز كتيرة جدا ويتعلق بوستر الفلم بجميع السينمات المصرية
فى نهاية الحوار وجه نصيحة لكل شاب وشابه فى سنك وطموح ونفسه يوصل لحلمو؟
كل شاب فينا عندو حلم وعندو هدف عاوز يوصلو بس مش عارف يبدأ عندو مستحيل بيقول لا مش هقدر ومش هعرف انا كريم عميره مكنش متخيل اشوف المسرح بس بعيني بس سعيت واشتغلت لحد موصلت للتلفزيون وبرامج في التلفزيون وجرايد وصحافه وإعلام تتكلم عني اعرفو أن مفيش مستحيل بقول لكل شاب احلم اسعي وصلي وادعي وارضي ربنا وقول يارب ربك قال ادعوني استجب لكم وقال اسعي يعبدي وانا اسعي معاك النجاح ساهل جدا بس عاوز شخص عاوز يوصل لحلمو فعلا شخص عاوز ينجح بقول لكل شاب قوم واشتغل علي نفسك وابدا واوعدك هتوصل عشان ليك رب كريم مبيضيعش تعب حد ولكل مجتهد نصيب نا بدأت من تحت تحت تحت الصفر ووصلت لحته كبيره اوي مكنتش اتخيلها عشان سعيت وقولت يارب وبالتوفيق لكل الشباب يارب.
هل هناك ما يحب كريم عميره أن يضيفه لهذا الحوار ؟
أحب أن اشكركم جدًا وأشكر جريدة “عيون المجلس” علي هذا الحوار الممتع
