
بقلم: آمال عثمان
يا ساكنة الوريد
يا حب كل حبيب
حبك بيجرى فى دمي
أصلا ساكنة جوا مني
لإن أنا منك وأنت مني
أنت العين والنني
يا حته مني وأنا منك
يا كل اللي ليا يانن عينيا
أمي أنت الحب والحنان
أنت الأمن والأمان
أنت كل الزمان اللي راح واللي جاي
أمي أمي أمي
الرحمة.. القلب.. الحنان..
تعيشى يا أمي يا نبع الحنان
يا كل الشريان
أمي أحبك يا كل اللي ليا
قبل الزوج والعيال
يا زهرة الدنيا وجنة الآخرة
مليش غيرك
أنا مهما كبرت لسه عايزة حنان
طبطبي عليا ضميني
وفى حضنك خبيني
عشان خوفي يبعد عني
يا ساكنة جوا مني
مين قال تكريمك فى يوم معين
لا تكريمك كل الايام
تكريمك فى كل السنين
كل العمر يا أمي لازم نقولك
تعيشي يا أمي وتفرحي وتتهني