الخميس ٢٩ سبتمبر ٢٠٢٢

رئيس مجلس الادارة : أحمد أحمد نور

نائب رئيس مجلس الادارة : وليد كساب

رئيس التحرير : محمد عبد العظيم

أخبار عاجلة

راوية عنبر 18 حصريا علي عيون المجلس !!

راوية عنبر 18 حصريا علي عيون المجلس !!
part 1 ( الست هدى )

1

إعداد شروق هشام

 

يااااااااه مش مصدقه نفسى اخيراه هشتغل ،النهارده اول يوم ليا هنا فى المستشفى
وادينى بعدى الاسوار العاليه عشان اشوف العالم التانى الى كنت هتجنن واشوفه
ولا على راى ماما انا اصلا مجنونه عشان اتخصص فى الامراض العقليه ،
بس اكيد هتبقى تجربه لذيذة انا متفائله جدا وربنا يستر بقى ……………

دخلت من البوابه الكبيره بتاع المستشفى وانا كلى نشاط وحيويه وعايزه ابدء الشغل
واول حاجه عملتها طبعا انى دخلت للمدير فى مكتبه وكان كلامى معاه كالاتى :

 

دكتور منير ( مدير المستشفى ) : اهلا يا دكتوره رانيا نورتى المستشفى
انا : ميرسى اوى يا دكتور بس انا عايزه ابدء الشغل
دكتور منير : حالا وفاء هتاخدك تعرفك على المستشفى وبعدها تبدء الشغل
واكيد مش عايز اقولك انك لو احتجتى حاجه تقولى ليا
انا : اكيد طبعا يا دكتور
دكتور منير : وفاء خدى الدكتوره رانيا دلوقتى وعرفيها على المستشفى وعرفيها بالجروب الموجود هنا
وفاء ( الممرضه ) : حاضر يا دكتور ….. اتفضلى يا دكتوره

مشيت انا ووفاء فى ممر طويل اوى وبدئت تعرفنى على المستشفى والدكاتره الموجودين وانا كنت مبسوطه ،
واحنا ماشين لقيت دكتور منير بينادى على وفاء فسابتنى وراحت تكلمه وقررت انى اكمل انا فى الممر ده لان طوله كان لافت انتباهى جدا وكنت عايزه اعرف نهايته ايه ……..
وفعلا بدئت امشى بس لفت انتباهى ان فى ست قاعده على الارض كان شكلها غريب شويه بس قولت انها ممكن تكون حد من الفراشين هنا فى المستشفى وبدئت اقرب منها وكل لما اقرب الاقيها بتبصلى بصه غريبه مقدرتش افهمها لحد النهارده .
بدئت اقرب اكتر واكتر لحد موصلت ليها وبصت هى فى عنيا  وفجأه بدئت تصرخ بصوت عالى صوتها كانه رج المستشفى كلها .
مكونتش عارفه اعمل ايه الموقف غريب اوى لحد لما جت وفاء ونادت على الممرضين واخدو الست
وانا واقفه لقيت حد جاى عليا وبيقولى متسيبهاش ؟!!
استغربت اوى منه ومن كلمته لانه قال الكلمه دى ومشى وفضلت ماشيه وراه وانا بنادى ولكن كان رافض يقف بس فى النهايه قدرت اوصل ليه واقف قدامه  :
انا: لو سمحت لوسمحت اقف ايه الى انت قولته ده
هو ( عم عبده ) : انتى دكتورة جديده هنا ….. انا عمك عبدوه الفراش
انا : اه …..اهلا وسهلا بس قولى مسبهاش ليه ؟ هى مين دى ؟؟!!!
عم عبده : دى الست هدى اطيب مخلوقه ممكن تقابليها فى حياتك بس الزمن غدر بيها اقصد الى شقيت وتعبت عليهم وغدروا بيها
انا : انا مش فاهمه حاجه ممكن توضح ؟
عم عبده : انتى باين انك طيبه اوى يا بنتى انا عايز احذرك انك هتشوفى هنا وهتسمعى حاجات لو اتكلمتى فيها او سالتى عنها هيبقى حالك زى حال دكتور هشام
انا : انا كده بجد مش قادره افهم حاجه فهمنى لو سمحت

وفجاه وانا بتكلم مع محمد عبده لقيت وفاء جايه من بعيد وبتنادى عليه وبتصرخ فيه وتقوله ( انت ايه الى موقفك هنا انت مبتحرمش امشى  وملكش دعوه بيها دكتور منير عايزك امشى من هنا )
انا فى الوقت ده فهمت ان وفاء عارفه هو كان هيقولى ايه ولكنها قالتى ( دكتورة رانيا لو عايزه تستمرى معانا هنا ابعدى عن عم عبده ومتسمعيش ليه وخافى على نفسك منه ده بقى مجنون زى اللى هنا)
بعدها سابتنى ومشيت ولكن الكلام مكنش مفهوم بالنسبه ليا بس قررت انى لازم اعرف حكايه ( الست هدى ) وكمان حكايه دكتور هشام .
لازم اتكلم تانى مع عم عبده ……….

تتبع ..

عن عيون المجلس

شاهد أيضاً

تعرف على أصغر نائبة بمجلس النواب الموقر

كتب/ دعار نور ستة معلومات عن سيادة النائبة البرلمانية “فاطمة سليم” عضوة مجلس النواب, نجلة …

اترك تعليقاً

لن يتم نشر عنوان بريدك الإلكتروني.