عيون المجلس سياسية ،اقتصادية ،اجتماعية ،ليبرالية شاملة
كتب/ المهندس أحمد ذكي
يعيش العالم الآن في تكتلات … عسكرية -اقتصادية -سياسية وكل كتلة تهدف لخدمة مصالحها حسب حجمها وقوتها …
فنجد في الغابة : كتلة ( الأسود ) وحلفاؤها
كتلة ( الفهود والنمور والضباع )
وكتلة الشر ( العرائس المتحركة )
بيتم تحريكهم لعمل ” توازن ” بين الكتل .
مثل : الخنازير ، الفئران ، الثعابين ، وغيرهم من المأجورين .
الكتلة الأليفية :
ترضي بالواقع وتخدم الأسود والفهود حتي لا يتم افتراسها .
كتلة الدببة :
لا تقترب ولا تفترس ، فقط تحافظ علي منطقتها .
قصة الأسد :
فيه اسد كبير قوي قرر يحكم الغابة كلها .. فاتفق مع الفهود والنمور والضباع علي تولية الحكم
سألوه :
“مين حيساعدنا من باقي الغابة ؟
قالهم :
” فيه مجموعة كبيرة مستأنسة ممكن نتفق معاهم بسهولة ، أغلبهم في إفريقيا وآسيا .
عندهم خير كتير وهم طيبين ، بس عايزين وعد بالحماية .. ودي سهلة “.
دخول الدب الكبير :
فجأة ظهر الدب الكبير وقال :
” هو أنا مش معاكم ؟”
رد عليه الأسد :
لا ، لازم تكون من رعايا .”
الدب رفض .
الأسد غضب ، وبدأ يفكر في حيلة لإشغاله .
أمر ثعلب ماكر إنه يضايق الدب علشان يشغله عن خطة السيطرة .
وفعلآ ، الدب انشغل في الدفاع عن بيته ، والأسد بدأ يتحرك براحة .
الوحش ذو الأظافر الضعيفة :
له أظافر طويلة
لكن مخالبه ضعيفة ومنتشرة في أماكن كتير
قرر الأسد يضربه ضربة قوية تقص أظافره ، وأجره يلتزم بتعليمات ” ملك الغابة “.
الوحش خاف … وهدأ
قوانين جديدة للأسد :
رجع الأسد يختال بقوته ، وأعلن :
إنه هيصدر قوانين الغابة الجديدة وإن القانون القديم اتلغي
والقانون الجديد هو : قانون الأسد فقط
بدأ ياخد اللي عايزه من كل موارد الغابة ، وحول باقي الحيوانات لخدم .
زوجة الأسد في قلب الغابة :
الأسد قرر يقعد شوية يهتم بأسرته ، بس خاف الغابة تتكتل ضده
فقال لإحدي زوجاته :
اقعدي في وسط الغابة ، وأنا هادعمك بكل حاجه :
قوة سلاح ، مال ، أكل ، شرب …
بس اضربي القريبين منك ، خصوصا الضعفاء ، علشان يهابوا اسمك … ويعرفوا إنك مرات الأسد “.
الزوجة تفرض نفوذها :
فرحت زوجة الأسد ، وبدأت تفرض سيطرتها :
تبني ، تعلي ، تهدد ، وتفرض علاقات غصب عن الجيران
وكل ده علي حس الأسد
بس لما حد يزعلها ، تعيط وتشتكي له ، والأسد يزأر فيهم علشان محدش يقرب لها .
باقي الغابة :
الغابة ماشية علي مزاج الأسد وزوجته
الحراس والخدم عايشين في قهر الدب مشغول
التنين ملهي في صناعته الوحش ضعيف مكسور
الأسد الحقيقي
بس الأسد مش ناسي الأسد الكبير :
اللي ضرب مراته زمان علقة كبيرة محافظ علي مملكته وأسرته وبيوفر احتياجتهم
كل شةية بيزأر علشان محدش يقرب
مرات الأسد نفسها تنتقم منه ،
بس زوجها دايما يقول
“بلاش نلعب مع الأسد الكبير “.
واخيرا …
خدوا بالكم من كلامي ..
ده رأي من منظور آخر
واللقاء القادم هحكيلكم اكتر …
