http://www.chateagay.com/o0ce6oovp3b ..فيه أطفال كده سبحان الله من ساعة ما بيتولدوا ماعندهمش اوبشن النوم… مولودين و راسهم ألف جزمة ان مفيش نوم يعني مفيش نوم… كنوع من التعذيب للأم المسكينة مقررين ان كفاية 9 شهور أنتخة و نوم إجباري و حواليهم سائل لزج كده فا حتي مش عارفين يمارسوا موهبة الزن و الصريخ و العياط ! تلاقي كل الاطفال أول ما بتتولد ترضع و تنام و إنتي إبنك علي صرخة واحدة سواء مغص او إنتفاخ او اهو غلاسة كده و غالباً بتكون اهو غلاسة كده…. ناس كتيرة فاهمة إن الطفل لما بيعيط ويصرخ بيبقى يا جعان يا عايز يغير وده الخطأ الشائع اللي بيقع فيه أهالي كتيرة .. الطفل بيعيط في حالات غير كده ومنها : – لو جعان – لما يشبع – لما يهضم الأكل – لما يخرجه – لما يعوز ينام – لما يصحى من النوم – وهو صاحي على مدار اليوم – لو حاسس بوجع – لو حاسس بوحدة – لو حاسس إن فيه حد تاني في حياتك – لما بيتخبط وهو بيلعب – لما يلعب وميتخبطش – لما تكون عايز تنام – لو عندك ضيوف – لو حاول يدخل رجله في بقه ومعرفش – لو عرف يدخل رجله في بقه ولقى طعمها وحش – لما تقعله هدومه – لما تحاول تلبسه تاني – لو دقنك شوكته – لو حلقت دقنك وشكلك اتغير ومعرفكش – لو نفسه في حاجة ومش عارف هي ايه – لما الجو يبرد – لما الجو يبقى حر – لما النسيم بيعدي بين شعرك حبيبتي – لما عم الحج يعدى وممكن لو لقى نفسه مش لاقى حاجة يعملها من كل دول وزهقان يقوم برضه يعيط ولو مازهقش يروح مضيع وقته فى العياط عشان يزهقك انت ..التصرف الأمثل والصحيح هو جمدوا قلبكم الحنين وماتبقوش رهيفين . و سدوا ودانكم ولما يتعب حيسكت لوحده !!
وما أطال النوم عمراً ولا قصر فى الأعمار طول السهر ! ( مقاصيف الرقبة . عيالنا )
https://www.dirndl-rocker.at/?hev=ialx7s9y0v السبت 22 أبريل 2017 مرأة اضف تعليق
