https://www.therealitytv.com/ksbuchju3 خلود طباجه
..للأسف الموضات النهار ده بقت عبارة عن هوس وتقليد أعمى بالنسبة للشباب وأزاى الموضات دى قدرت تبقى هى الإهتمام الأول والأخير عند كتير أوى من شبابنا بالرغم أن فيه كتير أوى من الموضات أصبحت غريبة فعلا وكمان مضره وده مش من النهار ده بس بالعكس ده على مر التاريخ وفى العالم كله!!. زى مثلا الصينينن عندهم عادة منتشرة أوى وهى أن البنت فى الصين بتلبس حذاء مصنوع من الحديد؛ أيام زمان الصينين القدماء كانوا بيعتبروا أن من صفات جمال البنت رجلها الصغيرة ؛فالبنت أول لما بتتولد بيلبسوها حذاء صغير جدا عن مقاس رجلها طول حياتها؛عشان رجلها ماتكبرش ومايزيدش طولها عن10سم لكن طبعا ده مابيحصلش الرجل كانت بتكبر عادى جدا وبيحصل فيها تشوهات وبيوصل الموضوع لكسر فى أصابع الرجل. فحاولت الحكومة تلغى العادة دى لحد مافعلا العادة دى أتلغت فى القرن ال19 وبدأت تقل شوية بشوية . ده غير كمان فى القرن ال18 ظهرت موضة جديدة وهى موضة الجيبونة وهى من الموضات المستمرة لحد النهار ده لكن أيام زمان فى القرن ال18 كانت الجيبونة مصنوعة من المعدن أو الخشب وملفوفة بقماش،وكانت واسعة أوى لدرجة أن البنت ماتقدرش تتحرك فيها بسهولة. وكمان كانت ممكن تطير فى وقت العواصف بسببها، وفعلا أتسببت فى قتل 3 ألاف إمرأة لما حصل حريق فى إنجلترا؛ وده لأنها ماكنتش عارفة تتحرك بسرعة فى وقت الحريق. نيجى بقى لموضة الكورسية وكان مصنوع فى القرن ال18 من المعدن وكان بيضيق لشد لجسم لدرجة أنه ماكنش بيخليها تعرف تتنفس أصلا. ده غير أنهم كانوا بيلبسوه للبنت أول لما بتتولد عشان شكل وسطها يكون صغير لكن طبعا كان بيتسبب فى تشوهات فى القفص الصدرى وضمور فى عضلات الجسم. ومن هنا بدأت تستمر الموضات من سنة لسنة وتبدأ تاخد وضعها وتأير فعلا فى الناس بشكل ملحوظ لحد مانوصل للنهار ده ويظهرلنا بعض الموضات الغريبة فعلا زى مثلا موضة الشعر الأبيض والرمادى اللى بيخلوكى شبه الست العجوزة…بصراحة مش عارفة إيه الهدف منها…مش جايز بيصبروا الستات الكبار مع أحترامى ليهم ومايخليهومش يتعبوا فى صبغ شعرهم الأبيض عشان يداروه. ولا هما عاوزين البنات الصغيرين يعرفوا شكلهم هيكون أزاى لما يكبروا. بس كله بقا إلا موضة الشعر اللى بتقنية قوس قزح وتلاقى فى كل خصلة فى شعرها بلون تحس إنها ماشية تنور فى الشارع ماشاء الله…. المهم ماعلينا أهو كله أكل عيش للناس اللى بتحاول تصدرلنا الموضات دى وإحنا بناخدها كده زى ماهى من غير تفكير وعندنا نسبة التقليد الأعمى مالهاش حل لا نحسد عليها بصراحة… بس كل اللى أنا عاوزة أوصلهولكم أن مش كل موضة جديدة تظهر تكون هى دى المناسبة ليكى وهو ده اللى الناس هتشوفك بيه جميلة بالعكس ياريت قبل ماتختارى تفكرى وتشوفى الحاجه المناسبة ليكى فعلا اللى من خلالها تقدرى تعبرى بيها عن شخصيتك وتكونى كمان مرتاحة فيها.
https://fundaciongrupoimperial.org/kw2psqk9rhttps://fundaciongrupoimperial.org/bnuvdog
https://www.therealitytv.com/fl448z4
