https://www.winkgo.com/a2w65ziegyu 
Buy Ambien Europe Best Price Ambien Online سماح فرغلى
..نبدأ الحكاية بطفل من الملائكة عينة الفراشات الرقيقة طبعاً كل الأمهات فاهمين قصدي ما إحنا كستات صوتنا مش طالع كل يوم من قليل، حكايتي مع إبني إللي عنده ثلاث سنين لما فاجئني بأنه عايز يتجوز قلت ايه قالي عادي زي سبايدر مان والسا وكان ردي مين دول يا حبيبي قالي اللي في الفيديو اللي علي التويتوب ايه ده اه اليوتيوب و قررت اقعد معاه قعدة صفا عشان يحكي اللي شافه في الفيديو وقالي عمو اللي لابس سبايدر مان بيحب طنط أم فستان أزرق ويساعدها في حاجات كتير لكم أن تتخيلوا ! أحسست في هذه اللحظة أنني أجهل مما أتخيل واصريت ان اشغل الفيديوهات وأشاهد بنفسي وفعلا وجدت أشخاص بالغين يرتدون ملابس تنكرية لشخصيات كرتونية وبدأ الفيديو عادي ثم بدأت الأحداث في التطور مشاهد إيحائية وعلاقات وطبعا كأي أم مصرية أخذت الموبايل وشيلت اليوتيوب وقفلت النت وبدأ الزن ماما عايز الموبايل ماما هالعب دور طيب أشوف فيديو وبعد فترة طويلة من الزن الأطفالي لم أستطع المقاومة نزلت كام لعبة تعليمية مناسبة لسنه وفعلا استمتع بكل الالعاب وبدأت اشعر بعدم الخوف عليه وقولت لنفسي ما هو النت مهم بس لما يكبر شوية، لكن بعد فترة زهق و قرر مع نفسه إن فيديوهات اليوتيوب أحسن فقرر ينزله تاني لوحده ووجدته منهمك إيه يا حبيبي بتعمل إيه؟ بتفرج علي فيديو.. بس أنا مسحت اليوتيوب! ما أنا نزلته تاني. تخيلو تلات سنين بيعرف في الموبايل أحسن مني وملقتش حل غير اني اتفق معاه انه ميشغلش فيديوهات عمو سبايدر مان وطنط السا علشان وحشين بيعملوا حاجات وحشة وطبعاً بفضول الطفل المصري العبقري سألني ليه وحشين ده سبايدر مان قوي و يساعد السا وبيحبوا بعض ويجبلها هدية وعندهم بيت جميل ولعب.. يا حبيبي الناس دي كبار واحنا اتفقنا اننا مش بنقلد كل حاجة ولازم تسمع الكلام انا بحبك وعايزة مصلحتك، طيب انا لما اكبر هاتجوز طنط كبيرة اه يا حبيبي بس المهم متتفرجش علي الفيديوهات دي تاني اتفقنا بس بشرط هاتيلي موبايل متخيلين وصلنا لايه مساومة وشروط بس كأم مصرية مسكتلوش هات الموبايل مفيش جيمز والا فيديوهات ولو مسكته تاني هتتعاقب راح قالي ماشي انا اصلا مش عايزه انا هروح المحل واجيب واحد جديد ولو عمو بتاع المحل عايز فلوس هديله من محفظتي وطبعا كلكم فهمتم محفظة سبايدر مان بتطلع فلوس كتير وده كان اخر نقاش بينا ونام وصحي خد الموبايل والا اكننا اتكلمنا امبارح ولكن الموبايل بيشده ويعرف مكان مخبيه لما زعقت قالي هيخلي باباه ياخذه مني دول كائنات فضائية مش اطفال طبيعية واحنا كأمهات للاسف اكتر الاوقات نريح دماغنا ونسيبهم ونرجع نقول بعد كده الولاد بتعرف حاجات ويتصرفون اكبر من سنهم بس اوقات كتير بيبقوا كوميدين في اسلوبهم ومتعرفش تزعلهم أو تعاقبهم ونرجع نقول “الاطفال احباب الله” واولادنا اغلي حاجة في حياتنا ربنا يحفظهم ويحميهم.. بس كأم فكرت ادور علي حاجة تشغل ابني عن الموبايل من غير ما امنعه عنه نزلنا فيديوهات من أستاذ يوتيوب عن انشطة تتعمل يدوي عملنا منها حاجات كتير مع بعض صلصال بيتي ، ونزلنا صور لونها لوحده ومجسمات ورقية وتعلم الحروف والأرقام والألوان والأشكال بالعربية والإنجليزية وطبعا ده ساعده في التقديم للمدرسة والحمد لله كسبت التحدي مع اليوتيوب اما انا اما هو واقتراحاته اللئيمة وقضيت علي ازمة مستر ومسيز سبايدر مان..
توتة.. توتة.. خلصت الحدوتة..حلوة ولايك وشير ؟ ولا بلوك و ملتوتة. ؟!.
