عيون المجلس سياسية ،اقتصادية ،اجتماعية ،ليبرالية شاملة
عادل أبوصيرة
-متنزلش ابنك يلعب فى الشارع عشان هيتخطف من العصابه اللى بتخطف الاطفال و تبيعهم لتجار الاعضاء و هيتقطع و يتباع قطع غيار!
-متنزليش ياختي انتى كمان فى الشارع لان فيه عصابات بتخطف الستات و بتطلب فديه عشان يفرجوا عنهم مره تانيه !
-متنزلش من العربيه بتاعتك و تسيبها لواحدها لان فيه عصابات بتسرق العربيات و هتروح تبلغ الضابط هيقولك ادفع فلوس للحراميه( الخلاص اعملك باركينج للعربيه فى شقتك جمب السرير عشان تنام و انت مرتاح)!
-متنزلش و تسيب شقتك لواحدها لان فيه عصابات بتسرق الشقق و بتنفضها من جميع محتوياتها فى زمن قياسى !
-لاتاكل لحمه لانها ممكن تطلع لحمة حمير ،و الله اعلم الحمير مدبوحه على الشريعه الاسلاميه و الا لأ!!!
-لاتاكل فاكهه لانها هتبقى فاكهه مسرطنه، و لاتشرب ميه لانها ملوثه و لاتاكل سمك لان السمك متغذى على مخلفات الحيوانات و هيجيبلك فشل كلوى !!
-لاتشتري ارض اصل هتلاقى عشرين واحد معاهم عقد لنفس الارض اللى انت شاريها و كلها مسجله فى الشهر العقارى !و لو اشتريت ارض و مكنش حد شاريها تانى غيرك هتلاقى بلطجى طلع عليها ببرج و قالك اخبط راسك فى الحيطه و هتلاقيه مطلعلك عقد للارض باسمه مسجل فى الشهر العقارى و الحكومه مش هتنفعك !
-لاتشتري علاج لان العلاج اللى هتشتريه مصدره مش مضمون و ممكن يكون متصنع تحت بير السلم و يجيبلك فشل كلوى!
-لاتركب مركب و تهرب لاوروبا لان المركب ممكن تغرق !
-و فى حاله ان ربنا نجاك من الموت هتدفع غرامه مليون جنيه بتهمة الهروب من مصر المحروسه
