طلقنى شكرا .. !

إسراء محمود

..طبعا كلمة طلقنى دلوقتى زى كلمة اشحنلى..سلفنى..اكلنى ،ماعلينا طب تفتكروا ليه النسبه ارتفعت كدة ..هو من الأسباب الأكيده لارتفاع النسبه دى السوشيال ميديا بلا شك ..وخاصة الفيس بقى جزء كبير فى حياتنا ده اذا مكانش عند ناس الجزء الاكبر …وطبعا مصر الأولى فى السوشيال نظرا للفراغ العاطفى المنتشر الآن بشكل مش طبيعى … أصدر مركز المعلومات التابع لمجلس الوزراء المصري تقريرا، ضم إحصاء مثيرا حول نسب الانفصال الزوجي “الطلاق” في مصر، يؤكد أنها الأعلى عالميا. …السوشيال ميديا زى ماسهلت علينا الثقافه وحجات مفيده كتير  سهلت علينا اسوأ الأفعال الى ممكن يعملها البنى آدم وطبعا اكتر الافعال الى سهلتها السوشيال ميديا الخيانه الزوجيه الى بقت اسهل من تقشير اليوسفندى والشك المتواصل مين ده ياهانم الى عملك لايك …ووفقا للإحصاءات والبيانات الرسمية، والتي تم حصرها في مستهل العام الجاري، فإن حالة طلاق تحدث كل 4 دقائق، وإن مجمل حالات الطلاق على مستوى اليوم الواحد تتجاوز 250 حالة، لا تتجاوز فيها بعض حالات الزواج أكثر من عدة ساعات بعد عقد القران، وتستمر أخرى إلى نحو ثلاث سنوات لا أكثر. فيما وصلت حالات “الخلع” عبر المحاكم أو الطلاق خلال العام الماضي 2015 إلى أكثر من ربع مليون حالة إنفصال؛ مسجلةً زيادة تقدر بـ 89 ألف حالة عن العام الذي سبقه 2014 . ذلك التطور الذي يهدد أركان مئات الألوف من الأسر والزيجات في مصر، رصدته الأمم المتحدة في إحصاءات، أكدت فيها أن نسب الطلاق ارتفعت في مصر من 7 في المئة إلى 40 في المئة خلال نصف القرن الماضي، ليصل إجمالي المطلقات في مصر إلى 4 ملايين مطلقة. ذلك في الوقت الذي تؤكد فيه الإحصاءات الرسمية أن المحاكم المصرية، شهدت تداول نحو 14 مليون قضية طلاق في العام 2015، يمثل أطرافها 28 مليون شخص، أي نحو ربع تعداد سكان المجتمع المصري، حيث تشهد محاكم “الأسرة” طوابير طويلة من السيدات المتزوجات والراغبات في اتخاذ القرار الصعب في حياتهن، بلجوئهن إلى المحكمة المتخصصة في الأحوال الشخصية…الأمر الذى دعى الرئيس عبدالفتاح السيسى الى الدعوة إلى سن قانون بحيث لا يُعتمد الطلاق إلا في حالة توثيقه، لكبح ظاهرة ارتفاع معدلات الطلاق في مصر مؤخرا… ومننساش طبعا الفلوس وهى القوه اللى بتخليك تشترى أى حاجه بس مش أى شخص ..واللى أهم من دا كله شوية العادات والتقاليد المتخلفة اللى بتقول البنت مالهاش إلا بيتها وجوزها وان التعليم عشان بس تعرف تربى الأولاد ..مايعرفوش ان كورس مجانا على النت فى شهرين يعرفوا يخلوها تربى جيل كامل من غير تعليم 16سنه واكتر وطبعا الفلوس مش بتكفى نظرا لظروف البلد الاقتصاديه الى مش هنخلص منها وكمان الاهتمام مش مكفى ماهى معتمده عليه بشكل كلى استحمل بقى يامعلم..نيجى للنوعيه المثقفه اللى عارفه انها مش مجرد آله للانجاب ولا انسان آلى لخدمة المنزل بقت بتعتمد على نفسها بشكل كلى هى اللى بتخدم نفسها وبتصرف على نفسها متهيألى مفيش وظيفة للراجل دلوقتى غير التلقيح  .. فين السلطة  الرز مش مستوى . الفرخة دى خسه كده ليه .. وهى مش بتستفيد منك بأى حاجة والأغرب بقى من المقال دا كله هو انهم الطرفين سواء رجل او أنثى مش بيفكر غير فى الكوشه والفستان والبدله.. والفرح حيبقى فين وإزاى ؟!  رحم الله قوما ماتوا من الجهل ..